மௌனங்கள்

உனக்கான மௌனங்கள் சில மணி துளிகள் நீடிக்கும் போது ,
பிரளயம் மூண்டதாய் உணரும் நீ ,
என் எல்லையில்லா அன்பினை மட்டும் ,
மௌனத்தால் வரையறுக்க சொல்ல்வதேன் ?
உன் மௌனத்தின் உள்ளர்த்தம் புரியாமல் மனதை புரட்டுகிறேன் .

மீனவ பெண்

இப்போதெல்லாம் கனக்கிறது
நெஞ்சம் உன்னை வழியனுப்ப ,
மீண்டும் இப்படி ஒரு கணம் கிடைக்குமா
என்ற பயமும் கூட .
தண்ணீரில் நீ செல்ல கண்ணீரோடு
நாங்கள் காத்திருக்க .
யாரோ சொன்னார்கள்
மீன் பிடிக்க சென்றவர்களை காணவில்லையாம்
மீண்டும் நீ வருவாயோ ?

இரு இதயங்களின் சங்கமத்தில் ,
தேடுகிறேன் என்னுள் புதைந்து விட்ட புன்னகையை.

நொடிகளுக்கு இடையே ஆன தொலைவும் ,
உயிர் வாங்குகிறது நீ மௌனித்தால்

காதல்

இதோ என்னை கடந்து செல்கிறது எனக்கான தொடர்வண்டி ,
என்னை விடுத்து என் மனதை மட்டும் ஏற்றிக்கொண்டு.
நானும் கையசைத்து அனுப்பி வைக்கிறேன் .
கணத்த மனதின் கண்ணீர் துளிகள் தவறியும் காற்றில் விழாமல்.

மௌனங்கள்

உன் மௌனங்கள் கொன்று குவித்த வினாடிகள்
ஒவ்வொன்றையும் கேள் எனது இதயத்தின் வலியை அது சொல்லும்.

சொல்லொன்னா துயரங்கள் மௌனங்களால் பரிசளிக்கபடுகின்றன .

சிற்றளைகளின் சலனத்தில் மகிழ்ந்திருந்தேன் ,
சட்டென தோன்றிய பேரலை ஒன்று
கொண்ட மட்டும் தாக்கி விட்டு
ஏதும் அறியா பிள்ளையென அடங்கியது .

எட்டாத உயரத்தில் கண்ட இரு விண்மீன்களை ,
தன்னுடைய உறவுகள் என்று மகிழ்ந்திருகிரதாம்
ஒரு மின்மினி பூச்சி,
விண்மீனின் பிரமாண்டம் தெரியாமல் .

காம கொலைகள்

மோகம் கொண்டு திரிகையில் தெரிந்ததில்லை
உனது நிலைப்பாடு பெற்றுடுத்த பின் தான் தெரிகிறதோ ?
நீ கொண்ட இச்சைக்கு ஞாயம் கற்பிக்க ,
முதல் மூச்சு கூட முழுதாய் விடாத பிஞ்சை கொல்வதா ?

பேராசை

ஒரு குழந்தை என உன் உள்ளங்கையில் அடங்கி உறக்கம் கொண்டு, என் உயிர் வலி கொள்ள பேராசை தான் .

நிராசைகள்

இரு பெரு நதிகளின் சங்கம காட்டாற்றில்
விழுந்த சிற்றிலை என பயணிக்கிறேன்,
காட்டாற்றின் விதிகளுக்கு உட்பட்டு.
நானும் காட்டாரோ என்ற பிரம்மையில் ,
காட்டற்றிகோ என்னை கரை சேர்ப்பதில் கவனம் ,
எனக்கோ பயணிக்க ஆசை. என் செய்வேன் நான்

அன்பெனும் ஆயுதத்தால் தாக்கி விட்டு
ஆயிரம் சமாதானம் சொல்ல்கிறாய் உன் மௌனதிற்காக

உயிரில் கலந்திட்ட உறவுகளின் அன்பின் முன் ஊமை ஆகிறேன் .

அடைமழை நின்ற போதும் நில்லா தூவனமாய் உன் நினைவுகள் .

நேசம்

உன்னுடனான நேசத்தில் தொலைந்தது நான் மட்டும் அல்ல
எனக்கான அன்பின் தேடலும் தான்.

காதல் கொண்டேன்

காதல் கொண்ட இரு இதயங்களை கண்டேன்
நானும் காதல் மேல் காதல் கொண்டேன்

ஆசை

நீ தினம் தினம் சாயம் பூசி அழகு பார்க்கும நகமாய்
பிறக்க ஆசை பட்டேன் ஒருநாள் நீ என்னை வெட்டி
குப்பையில் எரிவாய் என்பதை அறியாமல்

ஈரம்

உண்கண்ணில் மறைந்த ஈரம்(அன்பு)
என்கண்ணில் என்கண்ணில் கண்ணீராய் வந்ததடி

பிழை

பிறர் பிழை கண்டு பிழை கண்டு

உன் வாழ்வை ரணமாக்கி கொண்ட – நீ

இதுவே உன் பிழை என்பதை எப்பொழுது அறிவாய்.

தமையன் எனும் தாய்

காய பட்ட இதயத்துக்கு

உன் அன்பெனும் மருந்திட்டாய்

நான் இளைப்பாற

உன் தோள் தந்தாய்

என்னை எனக்காக வாழ சொன்னாய்

தமையனாய் வந்து என்

துன்பம் கலைந்தாய்
தாயாய் வந்தென்னை ஆட்கொண்ட தமையா

மீண்டும் ஒரு ஜென்மம் எனில்

உனக்கு தனயனாகும் வரம் தா!!!

நிம்மதி

எங்கெங்கோ தேடினேன்
ஒவ்வொரு பொருளிலும்
உயிரிலும் தேடினேன்
தொலைத்த இடம் தெரியமல்
யாரோ சொன்னார்கள்
என்னுள் தான்
தொலைத்திருப்பேன் என்று
இருக்கலாம் ஆனால்
எனக்கு என்னுள் தேட
தெரியவில்லையே!!! .

மீண்ட சொர்க்கம்

கவலைகள் மறைய கண்டேன்

கண்ணீர் காற்றில் கரைய கண்டேன்

நீ தந்த பாசம் நெஞ்சில் உலவ கண்டேன்

உன் பாச துளிகள்

மீண்டும் என்னை உயிர்பிக்க கண்டேன்

எனக்கு பாசமெனும் தோள் தந்த

தமையா - உன்னால் !!!

காத்திருக்கிறேன்

ஊர் ,உறவு ,நட்பு புடைசூழ வாழ்த்திய போது
வசந்தத்தின் வாசல் திறந்து விட்டது என்றுதான் - நினைத்திருந்தேன்
வாசல் நுழையும் முன்னே புயல் ,
வரும் என்று யாரறிவார்!!!
நாம் நாளைய சரித்திரத்தில் இடம் பெற வேண்டாம்
என்னுள் நீ உன்னுள் நான் முழுதாய் வந்தமர்ந்தாள் போதுமடி
என்னுடைய விசும்பல்களை நீ அறிந்திருக்க
வாய்ப்பில்லைதான் - காரணம்
உன்னுள் இருபது நீ , நீ மட்டுமே
எனக்கும் சிறிது இடம் கொடுத்துப்பார் -அப்போது புரியும்
எனது அன்பும், காதலும்
வலிக்கிறதடி காரணம் நீயா இல்லை நானா ?
உன்னில் அன்பை தேடி -தேடி கனத்து விட்டது மனம்
காத்திருக்கிறேன் காலத்தை கண்ணீரில் - கரைத்து கொண்டு !!!
என்றேனும் புரிதல் தோன்றும் என்ற நம்பிக்கையில் .

ஞானத்தை தேடி

எல்லோருக்கும் ஞானம் பெற
ஆசைதான்
தேடவும் செய்கிறார்கள்
புத்தனின் போதனைகளை - அல்ல
அவர் ஞானம் பெற்ற
போதி மரத்தை தேடி
பாவம் இதில் போதி மரம்
ஏதும் செய்யவில்லை என்று
தெரியாமலேயே

காதல்

இதழ்கள் பேசும்
கண்கள் பேசும்
கைகள் கூட பேசும் - ஆனால்
இன்று தான் கூந்தல் பேச காண்கிறேன்
பெண்ணே நீ சிக்கெடுத்து வீசிய
கூந்தலுடன் நான் பேசும் போது
இது தான் காதலா?

- செந்தில் குமார்

மொழி

என்னது அன்பை சொல்ல ,
வார்த்தைகளை தேடினேன்
எதுவும் என் அன்பை சொல்வது போல் இல்லை.
நான் சொல்லாமலே என் அன்பை நீ அறிந்தாய்
பிறகு தான் தெரிந்தது அன்பை சொல்ல
வார்த்தை தேவை இல்லை ,உணர்வுகள் போதும் என்று .

- செந்தில்குமார்

புன்னகை

எத்தனை முறை தோற்றாலும் ,
மீண்டும் மீண்டும் தோற்கத்தான் தோன்றுகிறது,
உன்னிடம் மட்டும் - மகனே உன் புன்னகைகாக

- செந்தில்குமார்

புதிய புன்னகை

நேற்று பார்த்தே அதே ரோஜா
பிறந்ததிலிருந்து பார்க்கும் சூரியன்
எபோழுதும் பார்க்கும் மலை முகடு
இன்று மட்டும் ஏன் புதிதாய் புன்னகைகிறது ?
நீ புன்னகை எனும் ஸ்பரிசத்தால் துயில் எழுபியதாலோ?
என் உள்ளிருந்து பார்ப்பதும் உன் புன்னகைதானோ ?
என் மகனெனும் வரமே !!!

- செந்தில்குமார்

அன்னையின் ஆணை

தொட்டு பார்க்க ஆசைதான்
தொட்டால் அழ மாட்டாயே ?
கொஞ்சம் அமைதியை - இரு
ஒரே ஒரு முத்தம் மட்டும் கொடுத்து கொள்ளிகிறேன்
யாரிடமும் சொல்லிவிடதே
மிக முக்கியமாக - என்னவளிடம்
ஆம் வெளியிலிருந்து வந்தவுடன்
உன்னை தொட கூடாதம் - உன்
அன்னையின் ஆணை !!!

- செந்தில் குமார்